شرقي آذربايجان اؤز پيتانسيال‌لارين ايران فدراسياسينا گؤرستدي.

یازار : TTOTT  |  بؤلوم : خبر لر

+0 امتياز

شرقي آذربايجان اؤز پيتانسيال‌لارين ايران فدراسياسينا گؤرستدي.

 

شرقي آذربايجانين تربيت بدني مديري دئدي: كئچميش ايللرده، استانين فوتبالي اؤز پارلاق حركتي ايله، پتانسيال و ظرفيتين ايران فدراسياسينا گؤرستدي.

 

اسبقيان فوتبال هئيتي‌نين ايلليك ييغينجاغيندا آرتيردي: تبريزين تراكتور كومانداسي و شهرداري كومانداسي، تهرانين آزادي ايستاديونوندا اؤز حريف‌لرينه غلبه ائتمكله ايله اؤز پتانسيال‌لارين فوتبال جمعيتينه گؤرستدي‌لر.

 

هابئله او آرتيردي: تبريز و شرقي آذربايجان، اؤلكه‌نين فوتبال بئشيگينه تبديل اولوب و فدراسيا گرك كي ايرانين فوتبول آرتيمينا بو پوتانسيال‌لاردان استفاده ائده.

 

شرقي آذربايجانين مديري؛ استعداد تاپماغي و اؤيرتمه و شهرستان‌لارا اؤنم وئرميي گنج‌لر و ايدمان اداره‌سي‌نين ايشلرين‌دن سايدي.

 

بو ايلليك ييغينجاق تربيت بدني‌نين كنفرانس سالونوندا كئچيريلدي.

رئپور: محمدرضا محمد حكم آبادي

1 باخیش جمعه 1390.7.1



  • [ ]